Dan maternjeg jezika slave 21. februara mnogi narodi širom Planete. Tim povodom i u našoj školi organizovane su različite aktivnosti.

Zanimljivo druženje pripremili su učenici sedmog, osmog i devetog razreda.

Na časovima jezika i književnosti učenici svakodnevno njeguju svoj jezik, razvijaju jezičku kulturu. Svjesni su da da je i naš kao svi ostali jezici izložen uticajima, podložan promjenama. Uticaj savremene tehnologije nameće nove izraze, kako u usmenoj, tako i u pismenoj komunikaciji. Često nepotrebno koristimo veliki broj stranih, pogotovo engleskih riječi, a u našem jeziku imamo domaću riječ za isti pojam. Učenici su istakli da tuđe riječi svakako imaju mjesto našem jeziku, ali to samo onda kada nemamo odgovarajuću riječ.

Tuđe riječi treba koristiti sa mjerom "kao so u jelima: sasvim dovoljno da jelo bude ukusno, ali oprezno da ne bismo presolili". 

Učenice sedmog razreda su govoreći o slengu, jeziku mlađe populacije, objasnile generacijsku i socijalnu pozadinu priče o upotrebi novih - stranih riječi i opravdanost upotrebe istih.