„Maštovito @“

 

Svi se u školi trudimo da naši učenici imaju poštovanje prema knjizi, što nije lako postići u digitalnom duštvu i sa djecom koja se rađaju i rastu uz nove tehnologije. Ali uspjeli smo! Juče su to dokazali drugari iz odjeljenja 4-a sa svojom učiteljicom Dijanom Gajović. Obilježili su oni kolažnim programom Dan knjige, ali i nešto mnogo bitnije za njih, predstavili su SVOJU knjigu.

Već četiri godine smo svjedoci kreativnosti i ljubavi ovih mališana prema književnosti i svim umjetnostima, ali knjiga "Maštovito @" je kruna njihovog dosadađnjeg uspjeha. Sabrali su svoja najbolja literarna i likovna djela i publikovali u savršeno osmišljenoj knjizi. Potrudili su se njihovi roditelji i učiteljica Dijana da im omoguće jednu lijepu uspomenu na prethodno druženje i maštovitost koja ih je uvijek krasila. Kroz lijep program su predstavili sadržaj svoje knjige, ponosno govoreći svoje tekstove i vodeći sve prisutne kroz njihov svijet mašte. Još jednom su potvrdili i svoj glumački talenat kroz lutkarsku predstavu, za koju su sami osmislili lutke i scenu. Pokazali su da ništa manje nijesu talentovani ni za igru i pjesmu.

Bio je ovo program koji nikoga nije mogao ostaviti ravnodušnim, što su potvrdili aplauzi svih prisutnih nakon svakog nastupa. Drugari su puni utisaka napuštali školu, ponosno listajući knjigu "Maštovito @". Još jednom veliko hvala drugarima iz IV-a i njihovoj učiteljici na ovako divno obilježenom Danu knjige.

Naše radove možete pogledati u knjizi čije strane nesebično dijelimo sa svima vama.  Predstavljamo „Maštovito @“ !!!

ss2ss5

ss3

ss6 ss7

Ostavite odgovor

Vaš email neće biti objavljen. Obavezna polja su označena *